自娛

 現時Blogger基本上都唔會有人睇，所以可以作為我自己嘅自娛嘅抒發平台。

今日我想講一講呢個中國中央經濟委員會剛剛開會之後發表的報告。坦白講，香港嘅傳媒基本上都唔係好敢去寫呢啲題材，有嘅都係平舖直敘唔會去品評，怕嘅係萬一講錯說話唔知點算，呢啲就係國安法下的寒蟬效應啦吧！

我寫比自己睇希望唔會造成啲乜嘢麻煩。其實我亦都唔會亂咁講，只係看完之後自己的一啲感想。其實今年的中央經濟委員會嘅會議報告在習主席嘅領導底下似乎多咗一啲呢個李克強feel，報告突出嘅幾「需求收縮供給衝擊，預期減弱」呢12個字嘅前瞻，似乎比較符合我哋長時期嘅一啲觀察，比起一般嘅之前嘅官媒打鑼打鼓嘅利好消息似乎比較務實，而且在會內嘅一啲前高官竟然夠膽去批評一啲統計數字可能造假；在在說明一件事，就係呢一次嘅中央經濟委員會嘅會議所表述嘅嘢係希望市民見到嘅。

響大家有相關嘅認知之後，反而我覺得中國嘅經濟可能響呢個政策嘅調控上比較能夠對症下藥。當然前提係之前嘅幾隻已經調跳出嚟嘅灰犀牛包括呢個地產債務，呢個海呢個海外投資嘅硬脫鈎，台海關係及中美關係等等會唔會有演變成一啲更迫切嘅問題需要解決，從而減弱呢個調控力度。

Nomadland

奧斯卡電影頒獎典禮昨天結束了，得到最佳電影、最佳導演、和最佳女主角的電影足趙婷嫉妒的「無依之地」。

趙婷是中國人，雖然現在身在美國，始終是一個中國人加上是女導演，得獎應該值得高興；但因為她以往的一些言論在我們的國家被封殺了。

這兩天國內的網站及媒體，甚至乎是香港的輿論也被冷漠處理。這一點我們也不用奇怪，但有些事情不可能永遠被掩蓋下去。

我反而有興趣補一句：是有關趙婷在得奬感言中所說嘅，「人之初，性本善」。雖然這六個字很簡單，很多人都明白；其實你想深一層她說這幾個字，不只是想表白她長大時父母對她的一種訓誨，同時也是一巴一巴✋的回應外邊的世界的言論。

安心出行？

 今日我哋個政府首長行出嚟講，更新一下抗疫措施的放寛條件。其中有一點係準備鼓勵市民用安心出行同埋去接種疫苗嚟推動一啲措施。放寬的主要包括食肆嘅每枱的人數上限由四人改至六人，營業時間則放寬到午夜12時，多咗兩個鐘。但係條件係相關嘅食肆員工一定要打疫苗及所有食客強制要用安心出行app. 

如果純粹是放寬由四人到六人，再多兩個鐘頭非繁忙時間嘅營業時間，究竟有多少食肆一定願意去跟隨相關嘅措施而冒着損失一部份誓死唔用安心出行嘅客人呢？

另外一個所謂放寬情況就係關於酒吧或者酒館。如果佢哋想恢復營業，除員工打疫苗外，甚至乎係要求客人都一定要打疫苗。其實除非係超級酒鬼吧，否則有沒有人為咗去飲酒而去打疫苗呢？

中國人權研究會報告

 http://www.guancha.cn/internation/2021_04_09_586799.shtml

今日在網站睇到呢個中國人團研究會嘅報告。係新華社或者係其他網站嘅一啲撮要版本。我對這個報告嘅內容當然都有一些個人嘅想法，可以確認嘅係我哋嘅國家想通過一啲研究或者係一啲佢哋認為民間自發嘅組織嘅說法，去突出美國嘅霸權主義。其目的都係想增強國內民眾嘅民族意識和對美國這個所謂強權嘅一啲深入嘅分析吧。

因為我沒有很仔細的去閱讀過這些戰爭起末。但係就我們在外邊世界，特別是西方輿論呢個主導嘅圈子裏，我們認知嘅很多嘅戰爭的所謂發動者，其實相對這個報告所說的可能有很大的差異。或者我需要用多些時間去找尋資料或者係從圖書館借閱一些書籍來了解多些這些戰爭的發生起們末，誰對誰錯每個人的觀點與角度不同，就讓自己增長知識吧！

搶生意？

 傳中國考慮設立一個新的交易所

https://news.rthk.hk/rthk/ch/component/k2/1583621-20210331.htm

今日下晝三點幾出咗呢個呢啲短訊新聞講大陸想成立另外一㗎新嘅交易所。重點是吸引一D外資公司去掛牌。係咪得啖笑暫時唔知，但係有一點可以去思考一下嘅。

喺美國嗰邊話要吧唔不合規嘅中概公司走，按現在嘅資料在總數約300間當中超過九成幾都唔合資格。但係按照香港交易所嘅規定大概也只有30多家可以排隊回港。咁剩低嗰啲點算呢？

只有兩個方法吧。一個係退市囉，一個就係要求港交所降低門檻比佢哋回流或者係回流返大陸。但係正如剛才所說如果那些公司本身都唔係有好好嘅底子嘅，回流只會影響埋其他股票嘅質素。奇招一着，就係考慮用一間新嘅交易所或者係新版去接受收呢啲公司。

是耶非耶！

抽水

 

支持新疆棉　葉劉淑儀：毋須特意破壞現有產品
https://news.rthk.hk/rthk/ch/component/k2/1582881-20210327.htm

睇睇葉劉嘅抽水，真的十分「醜陋」。又要杯葛又唔捨得掉！Burberry這些身外物啫，為什麼唔捨得？

歸根究底，估計她想做特首嘅心一直冇變，而且只會越嚟越有強烈嘅意欲去爭取，所以在香港幾乎是第一個跑出來表中忠。大家一齊看看吧！

H&M

 H&M嘅事件已經出台好幾日啦，我覺得H&M在回應嘅事件上面都有一啲特色。他們在更新嘅聲明裏拋出了B C I來做擋箭牌。大家一看原來在紡織界參與BCI的會員超過200幾個，有好多大型嘅品牌都在大陸有很高的參與率，因此變成你不能只打H&M也可能要涉及其他品牌。但問題來了，這樣一來打擊面就大到不是當初嘅想像！

我估計共青團等在最初拿H&M來做樣板是希望教訓一個歐盟及周邊國家中嘅一啲小品牌來發洩一下，估不到人家也懂得打一些牌來讓你燒着其他火頭。這件事一路發展下來究竟會點可能還要看看呢！

民族感情

 外交部：中國不是當年八國聯軍「鐵蹄下的晚清」

https://news.rthk.hk/rthk/ch/component/k2/1582762-20210326.htm

覺得我哋嘅外交部發言人經常在公開場合被問到嘅時候無論係什麼題目都會拉出我哋嘅「百年恥辱」嘅一啲例子、「中國人不吃這一套」等可能挑動到民族情緒的說話。

坦白講中國人當然希望自強，但係發生響我哋周遭嘅一啲事件其實係咪代表我哋完全百分百正確呢？外國人一直都有狼子野心呢個就唔需要再加以說明，但係並不表示我哋每做一件事都係完全百分百正確，完全站在道德高地。當然可能在國家嘅層面有些事情必須要去做否則難以維持整體嘅團結，但係現在用很多民族感情呢類嘅一啲語言其實係十分危險。